Leider hu mir d’Nouvelle kritt dass eng vun  eisen Actricen positiv op Covid getest gouf. Mir sinn also, mat schwéierem Häerzen, gezwongen d’Virstellungen vum 15. a 16. Januar ze verleeën op den 29. respektive den 30. Januar
Jidereen de Platze reservéiert huet fir déi 2 Deeg gëtt vun eis kontaktéiert.
Mir entschëllegen eis fir dës Komplikatiounen

 

 

 

 

3 Koppelen am beschten Alter am Zuch , ënnerwee op Blankenberg. Kléngt net immens spannend !  Wann se wierklech als 3 Koppelen ënnerwee wieren…..    Sinn se awer net.  Elo gëtt et méi spannend!

Déi dräi Männer sinn offiziell zu Clierf am Klouschter op engem Meditatiounsweekend, inoffiziell awer op hirem alljäregen Ausfluch bei dem se ëmmer esou richteg d’S.. erausloossen. Hir Fraen hunn och decidéiert et déi Zäit sou richteg kraachen ze loossen . Hiere Männer hu si gezielt , si géifen  de Weekend iwwer un engem Kachcours beim Lea Linster deelhuelen

Dass si elo an dem selwechten Zuch setzen wëssen si net. Dass si Platzen an demselwechten Kompartiment gebucht hunn, wëssen si och net..........bis zum Moment wou se sech vis à vis stinn.

Dono erliewen d’Passagéier an Zuchpersonal eng Schluecht déi all Mënsch un seng Grenzen bréngt.

Fir Amusement suergen  Rachel Flenghi, Fabienne Frost, Vera Gaddé, Florence Salvi, Thill Sally, Roland Flenghi, Romain Graul, Jules Orlando, Claude Leus a Marcel Heintz

Regie: Romain Pierrot assistéiert vun Romy Bei a Muriel Galeazzi.

Bühn an Toun wéi gewinnt vun eiser technescher Equipe

Wien hei net laacht ass selwer schold.